Ambulanse køyrde seg fast

Onsdag litt før klokka 19 rykte brannvesenet ut til Hegglandsdalsvegen.

– Det er ikkje brann, men ein ambulanse som har køyrd seg fast. Vi rykker ut for å hjelpa, sa vakthavande.

Ambulansen skal ikkje ha køyrd utfor, men sto fast på eit glatt stykke veg.

På staden var brannvesenet, legevakt og nokre traktorar, som såg ut til å hjelpa til.

Etter at mildvêret kom er det greie køyreforhold på dei fleste fylkesvegane, men speglglatt på enkelte sidevegar, parkeringsplassar og fortau.