AMFI Os utvider opningstidene
Frå 2. januar 2019 kan du handla til klokka 21 på senteret.
AMFI Os har denne veka informert leigetakarane om komande utviding av opningstidene ved senteret.
Frå måndag til fredag blir opningstida utvida på kvelden, frå klokka 20 til klokka 21. Laurdagane held fram som før, med ope til klokka 18. (Eigne opningstider for daglegvare).
– Vi skal ha langope og søndagsope før jul i 2018, denne endringa gjeld frå januar neste år presiserer senterleiar Silje Lygre.
Styrka posisjon
Årsaka til den komande utvidinga er ønskje om å lytta til kundane og å styrka posisjonen sin i marknaden.
– Dette med opningstider har gått igjen i kundeundersøkingar vi har gjennomført. Mange vil nok seia at det å ha ope til klokka 20 er lenge nok, mens andre er opptatt med trening, leksehjelp eller legging, og vil ta handleturen i fred og ro etterpå.
AMFI Os blir i 2019 langt frå åleine om å ha ope til klokka 21.
– I bergensområdet er det få senter som stenger før klokka 21. At vi no får ope til 21 vil vera med på å gjera oss konkurransedyktig.
Førre utviding
Lygre seier at fleire leigetakarar var glade for å høyra om den komande utvidinga, men at det er delte meiningar blant butikkdrivarane.
– Vi har ulike butikkar i ulik storleik, og eg forstår at ikkje alle ønskjer seg dette for sin butikk. Samtidig har eg inntrykk av at alle forstår at det i handelsnæringa er denne vegen utviklinga går. Vi konkurrerer mot andre senter og vi konkurrerer mot netthandel, då blir det stadig viktigare å vera tilgjengelege for kundane.
– Eg var sjølv leigetakar og dreiv bokhandel i AMFI Os då senteret for nokre år sidan utvida frå klokka 16 til 18 om laurdagen. Det var ikkje alle som ønskte dette, men i ettertid ser vi at dette har fungert veldig bra.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.