Arbeidet held fram

Brannen er omringa av sløkkemannskap, men framleis står ein del jobb igjen. SJÅ FILM.

Kjetil Vasby Bruarøyonsdag 17. juni 2009 19:13

Over 150 mål er svidd av på Ulvenfjellet, og brannvesenet har framleis ikkje brannen under kontroll. Klokka 20 i kveld var det stabsmøte i klubbhuset til Os Aero Klubg, og etter møtet sa brannsjef Stein Gjøsund til NRK at det brenn på to flankar.

Brannen er rolegare og mannskapet har fått litt hjelp av regnet. Men vinden er ikkje mykje til hjelp. No håpar redningsmannskapet på at det skal koma meir nedbør utover kvelden og natta.

- Vi har delt sløkkemannskapet opp i fire flankar, sør, vest, nord og aust. Brannen er omringa og vi trur vi snart skal få kontroll, seier varabrannsjef Arne Monsen.

Hentar vatn frå Mikkelvatnet
Helikopteret, som sidan 16-tida har hjelpt til med sløkkinga, hentar 3000 liter med vatn i kvar runde. Vtnet blir henta i Mikkelsvatnet.

Helikopteret har også frakta to lag, kvart på fem redningsmenn, opp til vatnet med pumpe og utstyr.

Mange hjelper til
os brannvesen har 1 kilometer med slange på den eine bilen, 500 meter på den andre.

- Dette er sjølvsagt alt for lite i dag, men Sivilforsvaret har kome med meir.

Ordførar Terje Søviknes var med på stabsmøtet, og seier det er betryggande å sjå kor god kvalifisert mannskapet er, i alle ledd.

- Det er imponerande å sjå redningsmannskapet i arbeid, seier Søviknes.

Han er også glad for det ferske samarbeidet mellom Os Sanitetsforening og redningsmannskapet. Sanitetsforeningen er på plass med mat og drikke.

- Samarbeidet kom får halvannan månad sidan, i dag fekk dei bokstavleg talt sin elddåp. Vi er første kommune i Hordaland med eit slikt samarbeid.

I tillegg har Os Aero Klubb stilt opp, med klubbhuset sitt som hovudbase og med fly til disposisjon.

Største i nyare tid
Arne Monsen har vore engasjert i Os brannvesen i over 30 år. I hans tid som brannmann har han ikkje vore med på ein meir omfattande brann enn den dei no jobbar med å sløkkja.

- Vi må angt tilbake i tid for å finna tilsvarande storbrann i Os. Førre gong vi hadde brann med slikt omfang var også på Ulven, men det var før mi tid. Då var tilsette ved Bahusfabrikken med på sløkkearbeidet, seier Monsen.

- Eg såg med ein gong at dette blei stort. Då vi velta med ATV-en, og såg farten på flammane på veg opp til fjellet, skjønte eg at vi ikkje kom til å klara å stoppa brannen før den kom over den første toppen.