Næringsliv | 01. aug. 2022

Årets foredragshaldarar på Bjørnafjordkonferansen

Lokale, tilreisande og nyetablerarar skal på talarstolen i Oseana.

F.v.: Christine Dancke, Kristin Aadland, Robin Dale Oen og Tor Haugnes. (Foto: Pressefoto/Schibsted)

Kjetil Vasby Bruarøymandag 01. aug. 2022 10:23

Bjørnafjorden Næringsråd arrangerer Bjørnafjordkonferansen i år òg.

Fredag 28. oktober, frå morgon til ettermiddag, er det tett program i Oseana.

Nytt i år er at næringsrådet også har plan om ein fest, men informsjon om denne er enno ikkje klar.

Om årets konferanse skriv næringsrådet blant anna dette om spørsmål foredragshaldarane vil kasta lys over:

Korleis sørgjar vi for at neste generasjon får riktig utdanning og motivasjon?
Korleis kan næringslivet spille på lag for å tiltrekke seg den kompetansen ein vil trenge framover?
Vi avsluttar konferansen med inspirerande innlegg om korleis gjera ei bedrift meir synleg, og korleis snu kriser til nye moglegheiter.

Årets konferansier er programleiar, DJ og rappar Christine Dancke frå Vrang Produksjon AS.

Kristin Aadland frå Os, som er konserndirektør i avdelinga Entreprenør & Marked i Eviny, er blant foredragshaldarane.

InterPadel, som er i ferd med å etablera Noregs største senter for padeltennis i Ådnadalen i Ulvenvegen, stiller med to representantar.

Her er alle som skal på scenen på Bjørnafjordkonferansen 2022:

Konferansier: Christine Dancke, Vrang Produksjon AS.
Tor Haugnes. Lærar, historikar, økonom og edutainer
Robin Dale Oen. Grunnleggar, Dale Oen Experience
Tormod Vågenes. Investeringsdirektør, Holberg Fondene
Bjørn Maaseide. Medeigar, Interpadel
Daniel Thu. Markedsførings-ansvarleg, Interpadel
Kristin Aadland, konserndirektør, Entreprenør & Marked, Eviny
Lisbeth Iversen. Leiar av Med Hjerte for Arendal-nettverket, og Offentlig PhD kandidat/AHO
Remy Bilsback. Senior rente- og valutameklar, Sparebanken Vest
Alf Sognefest. Dagleg leiar, Bjørnafjorden Utviklingsselskap AS
Dag Jarle Aksnes, Styreleiar, Bjørnafjorden Utviklingsselskap AS