Åtvarar mot glatte fortau

Måndag kveld kom det snø og sludd i Os, tysdag morgon var det 2 minusgradar i Os sentrum.

– Snø plar ikkje skapa så mange problem for fotgjengarar, men sånne vêromslag med snø på is kan føra til vanskelege forhold, seier legevaktsjef Sveinung Gangstø.

– Vi har ikkje hatt inne folk med fallskader til no i dag, men folk bør trø litt varsamt på dagar som denne.

Det er ikkje berre eldre som er utsette.

– Fall kan føra til både beinbrot og hjernerystelse. For yngre som ramlar blir det gjerne ikkje så alvorleg, men for eldre kan eit fall føra til eit meir omfattande skadeomfang.