To av fire benkar stole

Bildeserie:

1 av 1

For eit par år sidan kjøpte Os jakt og fiskelag (Os JFL) fire benkar til å ha mellom Ulvehiet og standplassbygget frå Os Asvo.

– Forrige helg blei ein benk stolen. No natt til 1. mai blei benk nummer to stolen.

– Om det er nokon som sett noko i området rundt Ulvehiet, anten førre helg eller natt til 1. mai. Eller om nokon oppdager benkane ein eller annan plass i bygda, så blir vi glade for å få tips, seier Hogne Markhus, leiar i Os JFL.

Aldri hatt problem før

Benkane kosta omlag 3000 kroner kvar seg då dei blei kjøpt inn.

– Det er jo litt pengar for oss, så no går turen til politiet for å anmelde tjuveria. Det er tydelegvis nokon som ikkje klarer å halde seg vekke.

– Dette er første gang vi har opplevd tjuveri. Vi har vore heldige så langt og aldri hatt tilsvarande problem før.

– Er området låst?

– Nei, vi har ikkje hatt behov for det før, men det er klart at no må vi vurdera om vi skal setta opp ein bom slik at det i allefall ikkje blir mogleg å komma opp her med bil.

Os JFL sitt anlegg på Ulven vis a vis flystripa rett før innkøyringa til Ådnadalen.