Fotball | 16. juli 2023

Avslutta sterk vårsesong med poengdeling

Tar likevel ferie på 2. plass i det som er beste vår på 14 år.

Avslutta sterk vårsesong med poengdeling
Henrik Tysse Sperrevik, her mot Skedsmo i juni, har skåra i to av dei tre siste kampane. Men han fann ikkje vegen til nettmaskene i går. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 16. juli 2023 08:09

Os spelte i går 14. runde, den siste før ferien, borte mot Ullern 2.

Kampen enda 0-0, Os sin tredje uavgjorte for sesongen.

– Ullern 2 stilte sterkt, og det blei ein jamn kamp på ein vanskeleg bane, synest Os-trenar Endre Brenne.

Os stilte utan Szymon Walczak og Niklas Lunde Fosen, men hadde ein god mannskap og skapte, ifølgje Brenne, flest sjansar.

Likevel må dei nøya seg med eitt poeng.

Eitt poeng er nok til å sikra at dei startar hausten på 2. plass, og at dei har hatt sin beste vårsesong på 14 år (sidan opprykk til 2. divisjon i 2009).

Frigg på 3. plass er 4 poeng bak. Dei skulle spelt mot Fana i helga, men Fana har mykje sjukdom i troppen, noko som skulle visa seg å vera over ti spelarar ute med korona, og kampen er utsett.

Sandviken på 4. plass gav også frå seg poeng i går, dei spelte 0-0 borte mot Gjelleråsen og er 8 poeng bak Os.

Os sin første kamp etter ferien går heime mot nettopp Gjelleråsen laurdag 12. august.

Serieleiar Lysekloster har sjanse til å auka luka frå 6 til 9 poeng ned til Os når dei tar imot Skjetten i dag.

Spennande? Vil du ha ukas høgdepunkt i innboksen?

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.