Bålforbod frå i dag
Vil du brenna bål i påsken? I så fall må du søkja til brannvesenet – og det er ikkje sikkert at du får positivt svar.
I dag er det 15. april og det generelle forbodet mot å brenna bål i skog og mark slår inn.
Forbodet gjeld til 15. september.
– Eg har allereie fått inn to søknadar på å brenna bål i påsken, seier brannsjef Stein Gjøsund.
– Ligg søknadane an til å bli innvilga?
– Nei, ikkje sånn det er no, med tørr vegetasjon og mykje årsgamalt gras som ligg igjen etter vinteren. Dette tørkar raskt opp i periodar med opphaldsvêr og gjev stor fare for brann og spreiing av brann.
– Hadde det vore grønt ute ville det vore enklare å innvilga søknadane.
Kanskje langfredag
Det er meldt mykje opphaldsvêr og sol i påsken, men torsdag skal det regna kraftig i Os.
– Om det er vått i bakken på fredag er det mogleg at vi vil innvilga løyve til å brenna bål.
– Men folk må søkja og få løyve før dei kan fyra i.
Kva med grilling i fjøra?
Sjølv om det er bålforbod er det ikkje forbod mot små hagebål eller open eld i fjøresteinane.
– Så du kan fyra i ein grill i fjøra i Ervikane utan å gjera noko ulovleg?
– Ja, forbodet gjeld i skog og mark. Men du pliktar uansett å vera aktsam, ha ei bøtte med vatn klar til sløkking og pass på at ungane ikkje rotar i grillen eller bålet med pinnar. Då kan det fort hamna glør oppover i terrenget.
– Hugs også å sløkka skikkeleg og å rydda etter deg, oppmodar brannsjefen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.