Båt stolen frå Strøno

Laurdag kveld blei ein båteigar i Strøno gjort merksam på at båten hans var vekke.

– Han som har båt i nabobrygga spurde om eg var utpå og fiska, men det var eg ikkje.

Båten, ein Bella 444 med 30 hk Mariner låg i ei vik nedanfor byggefeltet Sveingard i Nordstrøno, men er no vekke.

– Eg har vore og leita og eg vil melda det til politiet i kveld. Men om nokon ser ein båt som liknar, ein stad dei ikkje har sett den før, er det fint om dei gir meg ein lyd.

• Båteigar sitt nummer er ... oppdatert: Båten er funnen!

– Faen, dette gjekk kjapt! Nokon ringte meg frå Drange og sa båten låg der. Dei hadde sett ein kar koma roande for halvannan veke sidan. Båten blei liggande, og dei la den ut på Facebook. I dag varsla dei også politiet. No håper eg båt og motor er uskadd.

Sist han såg båten var ein av dagen etter påske, altså for knappe to veker sidan, så det kan vera ei stund sidan den blei stolen. Han er også sikker på at den ikkje har slite seg, men at nokon må ha fjerna den.

– Det går an å køyra bil ned, men ikkje enkelt å få båt på land og med seg på hengar. Nøklane har eg heime, så eg vil tru at dei som har tatt den kom sjøvegen og at dei har slept den med seg.