Politi | 31. mai 2021

Tjuveri frå Os Seilforening

Båthengar stolen frå Kvernevika.

I løpet av veka har ein båthengar blitt stolen frå Os Seilforening sitt anlegg i Kvernevika. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 31. mai 2021 07:24

Søndag på dagtid fekk politiet melding om tjuveri av ein båthengar.

– Det blei oppdaga i går, men kan ha skjedd tidlegare i veka, seier politioverbetjent Christine Grindstein.

Hengaren sto parkert på Os Seilforening sitt anlegg i Kvernevika på Strøno. Politiet er interessert i tips.

Køyrde uregistrert moped utan lappen

På kveldstid søndag stoppa patruljen ein moped utan skilt.

Mopedførar har ikkje førarkort.

– Foreldre blei kontakta og forholdet er erkjent.

Festdeltakarar fekk ikkje fleire sjansar

I 03-tida natt til søndag fekk politiet klage på støy frå fest. Det var andre gong denne natta.

– Dei fekk først beskjed om å dempa seg og flytta festen innandørs. Då det kom nok ein klage rykte patruljen ut og fekk festen avslutta.

Stoppa russefest på morgonkvisten

I 05.30-tida kom klage på høg lyd frå bass i Os sentrum.

– Det viste seg å koma frå ein russebuss som var parkert i sentrum. Dei fekk pålegg om å skru av aggregatet og dempa musikken. Det blei etterkome.

Frå fartskontroll til slåstkamp

Tidlegare på natta, i 00.20-tida, rigga patruljen seg opp med laser på Lyseklostervegen.

Dei fann ikkje noko å reagera på, og måtte avbryta då det kom melding om slåstakamp mellom fem personar på Os terminal.

Det var ingen på staden då patruljen kopm til sentrum. Meldar skal a sagt at ingen var skadd i tumultane.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.