Best med pulk - igjen!

Ultraløpar og landslagsutøvar Thomas Andersen frå Os vann i går Expeditien Amundsen, eit pulkløp over Hardangervidda med 40 kilo i pulken.

Dette skreiv arrangørane på Twitter fredag kveld:

"First Individual crossed the finish line! Thomas Andersen did it in 21 h 50 min. 100 k with a 40 kilo sledge in rough terrain. WOW!!"

Midtsiden har førebels ikkje fått tak i Thomas for kommentar.

I 2010 vann Thomas det som truleg var det første lange pulkløpet, då han brukte 27 timar på 110 kilometer og gjekk i mål 11 timar framfor nestemann.

Året etter låg han framst i djup puddersnø heile vegen, men blei forbigått før mål og slått med 8 minutt av Erlend Gjestrud.

Då hadde Andersen både brøyta veg og navigert seg over Vidda. Fleire konkurrentar hadde dessutan laga slede av pulken sin ved å heva den frå snøen med ski på stativ. Det hadde ikkje ultraløparen frå Os, som i år vann suverent.