Bestseljarane sin siste finpuss

Fredag og laurdag er det standup med påfølgande «sokkadans» i Oseana.

På scenen står dei to lokale favorittane Thomas «2 Meter Tulling» Helgesen og Jan Helge Corneliussen.

Sjå 20 minutt av showet i fjor:

Les ògBli med på show med De to Vitse Menn

I salen ligg det an til å bli smikkfullt.

Nesten 400 av 490 billettar er selt til fredag, over 460 av dei same 490 setene er selt til laurdag.

– Vi hadde i grunne ikkje tenkt å ha show i år, men så ringte Berit (programsjef Berit Steen) i februar, fortel Jan Helge.

Dermed blei det tur til hytta på Tysnes for ei skriveøkt igjen. Andre vitsar har «skrive seg inn sjølv» utover hausten.

Dei som var på Oseana si 10+1-årsfeiring i oktober fekk ein smakebete av Thomas og Jan Helge:

Les ògOseana 10+1: Skøyarane og stjernene

Publikum har tydelegvis framleis trua på dei to kameratane, som har felles fartstid i revygruppa Nor og ne.

Av fleire komikarar Oseana tar imot inn mot jul, er det berre Dr Bergland som er i nærleiken avto utselde salar.

Komikarlegen har foreløpig rundt 700 av 980 billettar selt til to show i desember, mens De To Vitse er i ferd med å passera 900 dagen før første av to show.

– Det går an å forstå om folk blir lei oss, men foreløpig ser det jo ut som om dei vil ha litt meir, seier Corneliussen.

– Vi tar ikkje dette for gitt. I fjor, som var vår første i Oseana saman (etter 7 x 100 selte på Baronessen/Elvehuset i 2019), blei det hypa litt opp i forkant. Denne gong har salet gått jamt og trutt, utan den brå starten vi hadde på salet til 2021-showet.

Tittelen på årets show er «De To Vitse Menn - letter på trykket».

– Andre lettar på trykket i kommentarfelta på Facebook, vi tar det éin gong i året, forklarer Thomas.

– I oppsummering av lokalpolitikkens gang i fjor, blei fotballterminologi brukt som ramme. Får vi høyra om innbytarar, heimebane og gule kort i år òg.

– Nei. Men det er mogleg at vi skal gjennomføra eit lite foreldremøte, seier Thomas og Jan Helge med grådig lure smil.

Komikarane har med seg fire musikarar frå Kongshaug og dei same kordamene som sist, Katrine Helgesen og Linda Nytræ.