Politi | 13. aug. 2021
Bil krasja i butikk - politiet ber vitne ta kontakt
Køyrde frå staden etter uhell i Idrettsvegen.
Kjetil Vasby Bruarøyfredag 13. aug. 2021 09:18
Fredag morgon klokka 07.35 fekk politiet melding om eit trafikkuhell i Idrettsvegen.
– Ein bil har køyrd rett i veggen på Kiwi-butikken, opplyser fungerande lensmann Anne Lyssand.
Bilen krasja ikkje i eit av dei mange vindauga, men i husveggen. Kledningen er skadd.
– Bilen køyrde frå staden etterpå. Vi håper vedkomande melder seg, og ønskjer å snakka med dei som eventuelt har vore vitne til dette, eller har kjennskap til saka.
Butikken opna klokka 07.
Politiet har merke, farge og delar av kjenneteiknet på bilen, men ikkje heile.
