Bilførar og fotgjengarar mistenkt for narko

Onsdag i 21-tida blei ein bilist stoppa av UP. Test tatt på staden gav utslag på narkotika og bilførar, ei kvinne i 40-åra, blei tatt med til lege for blodprøve.

– Det er oppretta sak, men det er førebels ikkje tatt beslag i førarkortet. Det kan ha med korleis kvinna forklarte seg å gjera, sjølv om det gav utslag på UP sin drugtest kan ho vera uskyldig, seier politioverbetjent Audun Hadler-Olsen.

Med narkotika i lommene

Politiet stoppa onsdag to personar, ein mann i 40-åra og ei kvinne i 30-åra, som kom gåande langs E39.

Dei to blei sjekka og politiet fann mindre mengder stoff, som dei reknar med er narkotika, på begge to.

– Det blei tatt beslag i stoffet og det er oppretta sak.

Fann død hjort langs vegen

I 2-tida natt til torsdag fekk politiet melding om funn av død hjort langs E39 på Søfteland.

Politiet reknar med at hjorten er påkøyrd.