Blei ikkje målrikt likevel

Laurdag spelte Lysekloster borte mot Vadmyra, som trass ein poengfangst på 30 kjempar for å unngå nedrykk.

– Det såg ut til å bli eit målrikt møte på ein liten bane, med store sjansar til begge lag det første kvarteret, fortel dagleg leiar i Lysekloster IL, Ørjan Sandal.

Men det blei mållaust til pause og var berre 10-15 minutt igjen før første målet kom.

Vadmyra - Lysekloster 1-1 (0-0)
Målskårar, Lysekloster: Joakim Hjelmeland

Joakim Hjelmeland blei byta innpå og kom seg fri på høgrekant, fekk ballen og gav gjestane leiinga.

Utlikninga kom kort tid før slutt.

– Vadmyra utlikna på eit fantastisk langskot frå 25 meter som gjekk rett i vinkelen. Det var ein bra kamp av begge lag i dag, synest Sandal.

Bjarg slo Fyllingsdalen 2 3-0 og ligg eitt poeng bak Lysekloster på tabellen før siste runde.

Lysekloster speler serieavslutninga heime mot tabelltoar Sotra, som kjempar om opprykk, laurdag om ei veke.