Blir det kortesje i Bjørnafjorden?

• Midtsiden har starta utsending av gratis nyheitsbrev på epost - meld deg på her

I påsken har vi sett innbyggarar gle seg over motivasjonskortesjar i fleire kommunar, og på Facebook-gruppa «Oppslagstavlo i Os» har det kome oppfordring om same gest i bygdene i Bjørnafjorden.

Brannsjef Eivind Hovden seier at Bjørnafjorden brann og redning foreløpig sparer på krutet.

– Dei som har hatt suksess med slike kortesjar hr køyrd om ettermiddagane. Skal vi gjera det same må vi kalla inn vaktlaget, og det bryt med smitteverntiltaka vi har i dag, seier Hovden.

– Det kan koma ei motivasjonskortesje, men det blir ikkje enno. Vi prioriterer å halda mannskapen frisk og tilgjengeleg, hadde vi hatt døgnkassanering, at ei gruppe likevel budde saman døgnet rundt, ville det nok blitt kortesje her òg ganske snart.

Han minner elles ombålforbodet som starta i dag. På kommunen sine heimesider kan du lesa kva bål du har lov å tenna mellom 15 april og 15. september.

– Elles er vi aktive i sosiale media, og har hatt god respons på blant anna oppmoding om å køyra brannøvingar heime i koronatida.

Rykte ut til innbrot, ugle og bilbrann

Påsken blei roleg for Bjørnafjorden brann og redning, med 4-5 utrykkingar.

– Vi har berga ei ugle i ein skorstein i Baldersheim, mens ei anna døde. Og så har vi vore ute på trafikkulykka ved Plantasjen og sjekka noko forureining på Halhjem.

Trass kampanje mot ulovlege bål, blei det utrykking til eit bål i Hegglandsdalen brannsjefen reknar med at politiet opprettar sak på.

– Vi har òg vore på noko som kunne blitt meir alvorleg, ein bilbrann i Eikelandsosen onsdag 8. april, der det var fare for spreiing til bustad. Men vi har hatt vaktlag også på Fusa-sida av fjorden i påsken, og var raskt på staden.

Ein alarm på Nore Neset barneskule første påskedag viste seg å koma frå at nokon hadde tatt seg inn ei dør i kjellaren og løyst ut ein alarm. Der var det med andre ord ikkje brann.