Borgavegen er open igjen - men ikkje heilt ferdig

Delar av den kommunale vegen Borgavegen har vore stengt sidan 27. april grunna graving i samband med utbetring av straumnettet.

Planen var opning i dag, 27. mai, men vegen opna etter ferdig arbeidsdag onsdag 25. mai.

– Vi er ferdige med graving og grusing, men det er ventetid på asfalt, og kan gå eit par veker før den kjem på, seier Bjarte Bøe frå Grunn & Betong AS.

– Det kom dessutan ei endring i bestillinga, som gjer at vi må søkja om nytt graveløyve lengre oppe i Borgavegen.

Dette arbeidet er frå krysset ved Nordmarka ned til første krappe sving, og er ikkje like omfattande.

– Eg reknar med vegen blir stengt rundt tre dagar når den tid kjem, seier Bøe.