Tett med folk i Mobergsvikjo laurdag. Så kom regnet. (Foto: Kjetil Vasby Bruarøy)
Tett med folk i Mobergsvikjo laurdag. Så kom regnet. (Foto: Kjetil Vasby Bruarøy)

Brå overgang - men tørr veke i vente

Laurdag kveld blei sydenvarmen supplert med styrtregn.

Kjetil Vasby Bruarøy
28. juni 2020 - 11:13

Etter to veker med nesten samanhengande solrikt og varmt vêr, kom det som meldt nedbør laurdag kveld.

Badande og båtfolk blei overraska av styrtregn i 16.15-tida, men så letta det, og det blei ein varm, stille og ganske tørr kveld.

Meldingane for dei neste dagane har endra seg fleire gongar, men ser no ut til å bli tørrare enn venta.

Søndag får nokre regnbyger, måndag blir overskya, men med opphaldsvêr, og mesteparten av veka blir lettskya og tørr.

Med unntak av ei regnbyge tysdag formiddag skal det vera sol og tørt til fredag.

Men temperaturar på over 25 gradar er ikkje i sikte.

Det er meldt 16-19 gradar måndag og tysdag, 14 gradar onsdag og 11-13 gradar torsdag.

Frredag ettermiddag og heile laurdag er det meldt regn.

  • Sjå detaljert vêrvarsel for Osøyro - Yr og Storm side om side på VG Pent

 

Les meir om

Lokal