Brydde seg ikkje om besøksforbod

Fredag klokka 08.36 fekk politiet melding om brot på besøksforbod.

– Ein mann som er ilagt besøksforbod oppsøkte kvinna han ikkje har lov å besøka, fortel vakthavande ved Os lensmannskontor.

Ein patrulje rykte ut, men då var mannen vekke.

– Han visste truleg at vi var på veg. Vi leita etter han, men fann han ikkje.

Politiet seier mannen er meldt og at dei ser svært alvorleg på saka.

– Har han brote forbodet før?

– Ikkje som eg veit, men det er eit ganske ferskt forbod. Det er uansett ei alvorleg sak, det er ein grunn til at han er ilagt forbodet, dette skal gje motparten ei kjensle av tryggleik. Då vil det òg få konsekvens om det blir eit brot på dette.