Byter ut «nei takk» med «det går bra»

NRK har bite seg merke i at mange av dagens ungdom ikkje seier «nei takk», men «det går bra».

I radio og på nett har dei intervjua ungdomar, foreldre og butikktilsette, for å høyra korleis dei opplever denne endringa.

Unge jenter meiner det er flest gutar som heller svarer «det går bra», mens jentene er meir høflege og modne, og seier «nei takk».

Ei mor lurer på om årsaka er at ungdomane vel «det går bra» fordi dei ikkje gidd å engasjera seg i svaret, eller fordi dei er oppslukt i skjermen sin.

Men språkprofessor Jan Svennevig (60) ved Universitetet i Agder applauderer ungdomane som droppar «nei takk».

– Eg synest det er heilt fint. Ungdommar kjem stadig med nye måtar å snakka på som kanskje kan forarge dei som har vore vant med noko anna over mange år, seier Svennevig til NRK.

Han synest heller ikkje det er noko tap om høflegheitsfrasen «nei takk» forsvinn.

– Heller tvert om, ein tilfører heller noko.

– «Nei takk» er berre eit reint avslag, då kan grunnen vera at maten ikkje var god eller at ein er mett. Når ein seier «det går bra», gir du ei slags grunngjeving, og då avkreftar du moglege slutningar om at maten ikkje var god eller at det var noko problem med den.

«Det går bra» er eit uttrykk. Årets nyord i 2021 var «Sportsvaske».

Av andre nyord dei siste åra har vi: fjernmøte, ståsykkel, trusebot, vaksineturisme, rulleforbud, utdanningssnobberi, virusfornekter, kontantnekt, virusfast, dieselvelger, kjøtskam, spionkval, passtrengt, krenkelseshysteri, fylkesforvirring og språkspagat .

Les fleire nyord på sprakradet.no