Claudia toppa kvelden!

Bildeserie:

1 av 8

For andre året på rad samarbeidde Os Amcar klubb, Er-An Veikro og Oseana Kunst & Kultursenter om ein country & western-kveld. I år samla arrangementet godt over 200 konsertgjengarar i Oseanasalen.

For å setja den perfekte stemninga hadde arrangørane booka inn Claudia Scott, som i desse dagar markerer 25 år som soloartist.

Kortesje frå kommunegrensa

Etter eit korrekt vegmåltid hos Linda Andersen på Er-An Veikro, køyrte bilane frå Os Amcar Klubb i kortesje til Oseana. Nabolaget kjende nok godt den imponerande samlinga av V8-motorar som rumla og rulla opp køyrebrua til kulturhuset.

Vêret var ikkje på nokon si side denne kvelden, så etter nokre raske bilete utanfor, hasta publikummet inn i varmen til miljøfyrtårnet Oseana.

Nesten dans på lokalet

Ei vital og energifull Claudia Scott leia det godt vaksne publikummet gjennom ei musikalsk reise. Låtvalet refererte til opplevingar i livet hennar, ispedd underfundige historier og betraktningar. Det heile veksla mellom rolege, sarte låtar og reine energibomber, kor berre det faktum at publikum sat i eit amfi forhindra tillaup til dansing.

Som dei to ansvarlege damene for arrangementet, Linda Andersen frå Er-An og Berit Steen frå Oseana sa;

– Og alle var einige om at det har vore ein fin kveld!