Det kjem meir snø

Har du sjøsett båten, fått fram grasklipparen eller, endå verre, lagt om til sommardekk i påskeferien?

I så fall bør bilen bli ståande nokre dagar til.

Nedbør og kraftig vind prega første påskedag, og frå kvelden og natt til måndag la snøen seg på bakkane i låglandet.

Det held fram med snøbyger måndag kveld og skal snø natt til tysdag og fram til lunsj.

Tysdag ettermiddag er det meldt sol, men frisk bris. Onsdag til fredag skal det koma meir nedbør, men med 3 til 5 plussgradar kjem det nok som regn.

Men helga kan bli fin - det er meldt sol og svak vind både laurdag og søndag!

• Sjå detaljert vêrmelding for Osøyro på VG Pent.

Vanskeleg retur frå ferie

Snøen har ikkje skapt trøbbel i trafikken i Os, så vidt vi kjenner til, men dei som vil over fjellet i ettermiddag har få alternativ å velja mellom.

• Skal du ut og køyra? Sjå oppdaterte meldingar på vegvesen.no

Hardangervidda er stengt ut dagen, til og med Filefjell, som normalt er siste fjellovergang som stenger, har kolonnekøyring. Det same gjeld over Hol-Aurlan, Hemsedalsfjellet og Haukeli. Vikafjellet er stengt.

Men er du på vestsida av fjellet kan du gleda deg over at det, i motsetnad til i går, framleis ikkje er kø inn mot Trengereid.

• Sjå òg: BT sender direkte frå Trengereid