Det ser mørkt ut for Borgafjellet
Os Kulturutvikling fekk kontant svar av Telenor.
I går fortalte vi om linene som var fjerna frå masta på Borgafjellet, linene Os Kulturutvikling sidan 1999 har brukt til å heisa julelysa med.
Les òg: Inga tenning på Borgafjellet?
I dag har Os Kulturutvikling fått svar, både på kvifor linene er fjerna og på spørsmål om dei får lov å henga dei opp igjen.
– Det blir dessverre ikkje lys på Borgafjellet, vi fekk eit kontant nei, seier Georg Jørgensen.
– Alt skal fjernast
Det var i sommar at Telenor gav Eltel bestilling om å fjerna alt som er montert av laust utstyr i alle mastene i Noreg.
– Alt skal vekk og ingenting skal opp igjen, var visst beskjeden dei hadde fått.
Etter intervjuet med Midtsiden i går har Jørgensen fått fleire spørsmål om kva som skjer med lysa. Han reknar med at mange blir skuffa over avgjerda.
– Vi gir oss ikkje, men det å få løyve, eventuelt finna ein annan stad å henga lyslenkene, vil ta tid. Denne jula blir det uansett ikkje.
150 meter med lys til overs
Dei tre lyslenkene, som kvar er 50 meter lange og har til saman 300 lyspærer, er eigd av Os Kulturutvikling.
– Vi har fått greie på kvar Eltel har lagt dei. Dei har visst eit lager her på Os.
– Vi vil no diskutera alternative plassar å lysa opp og er mottakeleg for idear, seier Jørgensen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.