- Dronninga kjem

Ordførar Terje Søviknes kom med ei kongeleg kunngjering på Kyrkjeflaten i dag.

Kjetil Vasby Bruarøymandag 17. mai 2010 17:20

I år var det ordførar Terje Søviknes (Frp) sin tur til å halda tale for dagen under 17. maifeiringa i Os sentrum.

Søviknes snakka om både grunnloven og Ole Bull sitt 200-årsjubielum før han kom med kunngjeringa:

- Vi får kongeleg besøk i Os denne månaden.

Kongehuset blir representert ved H.M. Dronning Sonja torsdag 27. mai, då ho vil besøka Museet Lysøen under Festspillene.

Ifølgje lysoen.no er det to konsertar på museet under Festspillene i Bergen, Arve Tellefsen og Håvard Gimse 29. mai og Henning Kraggerud og Christian Ihle Hadland 30. mai.

- Eg er ikkje sikker på kven som skal spela for dronninga torsdagen i forkant av denne helga, men det kjem yttarlegare informasjon seinare.

- Det som er sikkert er at vi vil laga folkefest på Buena kai denne ettermiddagen, seier Søviknes til Midtsiden.no.