Duka for målkalas

Os har gått frå 1. til 3. plass på tabellen etter ferien. Poengdeling borte mot Bjarg og tap borte for Stavanger var ikkje heilt den starten serieleiarane hadde sett for seg.

– Så svak som vi har vært borte var 1-1 mot Bjarg greit nok. Men mot Stavanger spelte vi årsverste, meiner Tore Valvik, midtbanespelaren som har karantene mot Avaldsnes i morgon.

Avaldsnes er det einaste (!) laget Os har slått på bortebane i år (Os har 1-5-2 borte). Til gjengjeld blei det ein fin 7-0-siger.

– Både Avaldsnes og Skjold har kome seg, men det bør gå vegen med god margin på Kuventræ i morgon, meiner Valvik.

Tøff kamp i Lysefjorden

Lysekloster held seg på topp i klubben sin første sesong i 4. divisjon. Dei starta hausten med 3-0 borte over Loddefjord og tar laurdag imot Valestrand Hjellvik, klubben med den ekstra livlege supportargjengen.

VH ligg på 4. plass på tabellen.

– Men det blir nok ein jamn kamp, fleire av tapa og poengtapa dei har hatt denne sesongen har vore på overtid i kampar dei har leia, seier Lysekloster-trenar Ørjan Sandal.

Heimekampane i Os denne helga:

Fredag 17.8: Os dame - Gneist 2 kl 19.00
Laurdag 18.8: Nore Neset - Morvik kl 13.00
Laurdag 18.8: Lysekloster - Valestrand Hjellvik kl 14.00
Laurdag 18.8: Os - Avaldsnes kl 16.00
Søndag 19.8: Lysekloster 2 - Libido kl 18.00
Måndag 20.8: Søre Neset - NHH 2 kl 19.30