E39 opnar som planlagt

Bildeserie:

1 av 4

Ved midnatt natt til måndag 2. mai blei E39 nordgåande retning stengd mellom Moberg og Svegatjørn, og trafikken blei leiia på gamlevegen om Os sentrum. Planen var at arbeidet med legging av ny vassledning skulle ta fire månader og vegen skulle opna igjen 4. september.

– Vi er i rute og vegen opnar seinast måndag morgon klokka 06.00, fortel prosjektleiar i Statens Vegvesen, Sverre Ottesen.

Ottesen fortel at vegen kan bli opna før om entreprenøren blir ferdig før, men at dei har sagt dei i allefall skal vera ferdige til måndag morgon.

Fartskontroll og -humpar

Arbeidet har i det store og heile gått etter planen. Rett nok har ikkje bilistane som har kjørt forbi anleggsområdet i sørgåande retning vist det omsynet dei burde for arbeiderane, noko som har gjort at politiet har måtte stilla opp med kontrollar. I tillegg såg ein seg nøydd til å etablera fleire fartshumpar for å få farten ned, noko som i følgje vegvesenet skal ha hatt effekt.

Måtte fjerne bossfylling

Prosjektleiaren fortel at dei har støtt på nokre utfordringar undervegs i prosjektet.

– Vi kom mellom anna bort det eine hjørnet av den gamle bossfyllinga som ligg der oppe, så vi har måtte ta hand om bosset og få frakta det vekk i konteinarar til eit godkjent mottak.

– I tillegg visste vi ikkje nøyaktig kor mykje sprenging som måtte til, men det har gått greitt. Vi har òg greidd på passere dei to bruene som går over E39 på ein grei måte, avsluttar Ottesen.