Ei flott avslutning!
Laurdag blei det sjette skulptursymposiet avslutta, og kjøparane fekk veta kva skulptur dei kunne ta med seg heim.


Måndag 22. juni starta det sjette skulptursymposiet på Os, 10 år etter det første. 12 hovudskulptørar har saman med fleire tilreisande kursdeltakarar bankam bore og slipt i Vognhallen fram til laurdag 4. juli.
Då var det avslutning loddtrekning, så kjøparane fekk veta kven som fekk kva med seg heim - eller til bedrifta.
Her er kunstnarane og kjøparane som fekk skulpturen deira:
Simona Bocchi (Italia): Ola Braanaas (som blant anna kjøpte Knut Steens statue av Olav V)
Jo Kley (Tyskland): Os kommune (bestilt på førehand, til Telthusplassen)
Hwang Seung Woo (Korea): Lagde to, desse gjekk til Fagbokforlaget og Vestafjell Bøe & Lepsøy.
Renata Ruffilli (Italia): Hylland Invest
Boutros Romhein (Syria/Italia): Helge Haugland
Knut Hetleflåt (Os/Noreg): Os Næringspark
Knut Bryn (Noreg): Ronny Lægreid
Axel Peters (Tyskland): ByBo
Fabio Rebora (Italia): Blenes Bygg AS
Hany Fisal (Egypt): Grieg Foundation
Petre Petrov (Bulgaria): Jostein Vindenes
Eric Malou (Togo): Os Kulturutvikling
- Dette har vore nokre fantastiske dagar! Alt har fungert fint, både med opplegget, kjøparane og arbeidsforholda til kunstnarane, som var veldig nøgd med sitt opphald i Os, seier Arne Mæland.
- Korleis blir framdrifta for planane om vidareutvikling av Vognhallen, og kva blir arbeidsplass for neste symposium?
- Det er litt tidleg å svara på, men det blir nok fleire symposium, og kanskje kan vi bruka delar av Vognhallen i 2011, seier Mæland.