Ei god golf-helg

Bildeserie:

1 av 2

Laurdag arrangerte Bjørnefjorden Golfklubb Ladies Tour. To av damene gjorde det skarpt på heimebane.

- Mia Helen Hjelle vann brutto/beste score med 84 slag, fortel Erik Just Olsen.

Deltakarar frå store delar av landet var med, til saman 45.

- Eldbjørg Stor-Re kom gjennom på 107 slag, som med handikap på 27,3 gjer ho til vinnar i C-klassen.

3 av 4 frå Bjørnefjorden
I helga var det også tid for årets første Golf Tour Hordaland, på Sotra. På tre av dei fire øverste plassane hamna golfarar frå Bjørnefjorden.

- Sverre Marcelius leia etter første runde, men putta dårleg i andre. Han klarte likevel ein fin 2. plass.

- Øystein Engevik var fantastisk med éin over par, 63 + 58 slag, 8 slag betre enn landslagsutøvar Vetle Marøy frå Bergen, fortel Just Olsen nøgd.

Veslebror til Øystein, Magnus, kom på ein fin 4. plass med 10 over par.

Sjå heile resultatlista her.

43.000 kroner til Somalia
Eit medlem i Bjørnefjorden Golfklubb feira 60-årsdagen sin i klubben sine lokale i helga. I staden for å ønskja seg noko, ba han om pengestøtte til Leger uten Grenser.

Dei rundt 80 gjestane samla inn over 43.000 kroner til organisasjonen. Pengane går med til innsats i Somalia.