– Ein idyllisk stad

Bildeserie:

1 av 5

I samband med Osfest har Os sentrumsforening stelt i stand ulike aktiviteter i sentrum med blant anna bodar med ulike utstillarar og sal av mat.

På Kyrkjeflaten hadde dei laurdag invitert Kjempegøy.no der dei hadde satt opp eit luftig leikeland med fleire ulike hoppeslott og andre aktiviteter.

– Vi var ein liten tur her i fjor óg, men då var vi litt meir gøymt borte med Fargerike, fortel avdelingsleiar Anette Genius.

– Her på Kyrkjeflaten har dei ein fantastisk idyllisk stad og vi er meir sentrale.

Borna koste seg med hopping, seiling og ballskyting og mellom slaga gjekk popkorn og sukkerspinn ned på høgkant.

– Det var kjempegøy! Eg trur eg likte best å skyta med ballkanonen, det var kjekt, fortalte ein ung gut før han raskt forsvant vidare til neste aktivitet.

Travelt etter konsert

Kjempegøy.no blåste opp apparatene sine klokka og dei fekk ein roleg start med folk som var innom før dei skulle på konsert.

– Det auka litt under konserten, medan då konserten med Marcus & Martinus var over så var det fullt kjør.

Forutan litt trøbbel med bankterminalen då det stod på som verst gjekk det seg fint til. Klokka 15 hadde 250 born kjøpt dagspass og Anette tippa at 150 av desse kom samtidig etter konserten.

Kjempegøy.no er ein avdeling hos Scandinavian entertainment center som er eit event-byrå på Vestlandet.

Laurdag var einaste dag dei var i Os i denne omgang, men om ikkje lenge er dei tilbake.

– Det er vi som leverer båtane til Dragebåtfestivalen og vi har endå fleire båtar så det er berre å melda seg på, seier Genius smilande.