Eit bilete mange har sett

Bildeserie:

1 av 2

Laurdag var det dobbelt utstillingsopning på Oseana. Griegsamlinga reopna med fleire nye bileter og bileter som ikkje har vore vist på ei stund.

I tillegg opna Glenn Erik Haugland og Heidi Tronsmo sin levande installasjon «Supra», ei opning som tok ei overraskande vending då kunstarsamtalen med kurator Evelyn Holm blei avbrote av eit vel planlagt stunt med dei to kunstnarane på klarinett og tre «publikumarar» som byrja danse. Danserane var Marita Moe Sandven, Morten Brun og Randi Fossan Maeland.

– Desse er nokre av imporvisjonvenane våre, kommentert Heidi Tronsmo som sjølv blei med i dansen.

Kom «heim»

Før det hadde Holm gledd seg over å ha fått «Kanefart» av Axel Enders og «Landligge i Lofoten» av Gunnar Berg opp på veggane.

– For første gong heng dei to verka som Os kommune og Greig Foundation kjøpte av Rekstenfamilien i 2015 i utstillinga. Det at dei er her no, er takka vera ein felles innsats og bidrag frå alle dei tre partane.

– Bileta har blitt reinsa og dei flotte rammene har blitt restaurert. Det er jo to så store verk at det knapt er mogleg å ha dei på lager, smilte Holm, før ho fekk sufli frå kultursjef Lisbeth Axelsen som kunne fortelje at Kanefart tidlegare har hengt i raudeskule på Os barneskule og på rådhuset, og at Landligge i Lofoten hang i gangen på sjukeheimen.

– Men no heng dei her og det er vi glade for. No kan alle osingar få glede av dei, og nokre kan sjå dei igjen.