Eit idol?

Neste år er det 10 år sidan bergensaren Kurt Nilsen vann Idol, og på tampen av same år blei kåra til verds-Idol.

No dukkar han opp igjen i Idol, men denne gong som dommar saman med Tone Damli, Gunnar Greve, Dansken og Esben Selvig. Programleiar blir Stian Blipp, som besøkte standupscenen i Os i april i år, og som i haust har leia oss gjennom Norske Talenter, som har finale om ei veke.

Blant deltakarane har vi blant anna sett Madeleine Berge Midtseter på skjermen, frå audition i Bergen. I går la seher.no ut eit klipp frå fleire som har vore på audition, blant dei er KingCalling-vokalist Eirik Søfteland frå Os.

Sjå klippet på seher.no (Eirik ser du 1:45 og 2:14 ut i klippet)

Eirik song Don´t stop me now av Queen og såg ut til å klara seg bra.

På snutten seher.no viser, sånn det er klipt til, seier Kurt Nilsen at han no "er klar for noko skikkeleg gøy", etter å ha sett fleire som ikkje heldt mål.

Inn kjem Eirik, og viss kommentarane som er lagt på etter Eirik var på scenen høyrer til Eirik si framføring - ja, så likte juryen det dei høyrte!