- For eit publikum!

Ståande applaus, jentesukk frå salen og ein osing som tok av på scenen. Sjå Richard Myhre Gåssand gå vidare i X-factor på TV2 her.

- Det var nesten fullt i den store salen så det var litt av eit kick å gå på scenen, fortel Richard.

Vokalisten leverte ein overbevisande versjon av song Nickelback-låta «How You Remind Me», og responsen frå publikum var så god at det påverka framføringa.

- Eg slepp meg litt laus når folk klappar med på den måten.

Også dommarpanelet kommenterte at Richard «slepp laus eit villdyr» på scenen.

- Men det var ein lang dag. Vi møtte i 8-tida om morgonen fordi eg trudde eg skulle på scenen mellom 9 og 10. Først i 15.30-tida var det min tur.

Med seg hadde han mamma, søstera Gina Victoria og ein fetter. I tillegg møtte Richard ein tidlegare klassekamerat som heldt han med selskap.

- Det blei nokre timar med Playstation, som dei hadde rigga opp til dei som venta.

Richard gjekk vidare og har allereie vore og spelt inn neste runde. Korleis det gjekk har han ikkje lov til å fortelja.