– Eit stort steg i riktig retning

Sverre Lunde Pedersen sto over verdscup nummer 2 og 3 etter at han i verdscupopninga i midten av november opplevde at formen ikkje var der den skulle vera.

I verdscup nummer 4 i Nagano var han med på å ta 5. plass i lagtempo, på 5000-meteren deltok han i divisjon B, der han med 6,19,69 var raskast, og 3 hundredelar bak 3. plassen i divisjon A.

På plass i EM enkeltdistansar

Onsdag fortalte han til Midtsiden at han er prega av sykkelulykka og svolten på å gå løp igjen, i dag viste han at formen ikkje er så verst.

Sverre reknar med at han har størst medaljesjanse på distansen han er regjerande verdsmeister på, 5000 meter. Fredag kveld gjekk han ein god 1500 meter i siste par.

Lunde Pedersen kom i mål på 1.45,43 og tok 4. plass.

– Eit stort, stort steg i riktig retning, sa Viasat 4 sin skøytespesialist Even Wetten.

Sindre Henriksen, som òg har hatt ei skadeprega oppkøyring, gjekk inn til 6. plass med tida 1.46,27.

Thomas Krohl vann med tida 1.43,67, Denis Yuskov tok 2. plass og Patrick Roest sikra seg EM-bronse.

5000-meteren ser du på Viasat 4 frå klokka 16.05 laurdag.

EM-fredagen blei runda av med lagsprint, der Håvard Lorentzen var med på å ta EM-sølv!

Russland vann, Sveits tok bronse.