Eksotisk på Kuventræ

Måndag klokka 12 startar kampen mellom eit samansett Os-lag og jenter frå Uganda.

- Vi har ein del spelarar på ferie, så vi stiller med jenter i tre årsklassar, 94, 95 og 96, i tillegg låner vi nokre spelarar frå Søfteland, fortel Os-trenar Ragnhild Eide.

Jentene frå Nsumba har vore i Noreg og på Norway Cup tidlegare, men dette er første gong dei speler fotball på Os.

- Vadmyra er som tidlegare år vertsskap for Nsumba-laget, men osingen Tove Tvedt Skarstein, som blant anna har engasjert seg med innsamling til jentene og barneheimen, spurte om vi ville møta dei til kamp.

- Spelarane mine gler seg, det blir spennande å møta eit lag vi ikkje veit noko om frå før, og å møta spelarane til litt sosialt samkvem etterpå.

Etter kampen skal spelarane på begge lag samlast, først på Osbadet, så på Peppes Pizza.

På www.bringchildren.com kan du lesa meir om barneheimen Nsumba.