Er du ein av dei som får framskynda bosshenting i jula?

Når julaftan og nyttårsaftan kjem på ein søndag, som i år, blir det nokre passive måndagar innan avfallhenting.

Nokre år får du utsett henting i julehelga, andre år er det framskynda dato, og du risikerer å bli sitjande med fullt spann til over nyttår.

Korleis blir det denne jula?

Restavfall:

Har du henting måndagar, er henting 1. juledag utsett til torsdag 28. desember.

Om du har henting tysdagar, treng du ikkje tenka på ny dato 2. juledag, denne hentinga blir rett og slett ikkje erstatta.

(Vi skreiv først at det «tydelegvis er henting 2. juledag», sidan vi ikkje såg erstattingsdato, men det er altså verken ny dato eller henting).

Dei som har henting tysdagar kan setja spannet fram 19. desember og 2. januar.

Papir- og plastemballasje:

Her er det ulike forhold for Bergen og dei andre kommunane.

Skulle du, med normal frekvens, hatt henting av plast og papir måndag 25. desember, så er denne framskynda ei heil veke, altså til måndag 18. desember (om du har adresse i ein av nabokommunane til Bergen).

Skulle du hatt henting av papir og plast 2. juledag, er denne framskynda seks dagar til onsdag 20. desember.

Har du spann for matavfall? Om du skulle hatt henting 1. juledag er denne framskynda til torsdag 21. desember.

Her er heile tabellen frå Bir:

Bir minnar samtidig om at du kan henta gratis, raud julesekk på gjenvinningsstasjon.

Hugs at denne ikkje skal brukast til matavfall, men til for eksempel gåvepapir, isopor og blandingsemballasje.

• Sjå heile jul- og nyttårsinformasjonen frå Bir på Bir.no