Etterlyser gode idear

Har du ein god idé. Er den god nok kan den vera verdt 1,3 millionar kroner.

Kjetil Vasby Bruarøytirsdag 26. jan. 2010 15:22

- Sjølv om mange meiner dei har god oversikt over kva som rører seg i bygda, er det nok mykje vi ikkje veit òg. Dessutan er ein god idé noko folk ofte held for seg sjølv fram til ei eventuell realisering, seier Jan-Erik Olsvold.

Olsvold er bedriftsrådgjevar i DnB NOR på Os, og desse dagar jaktar banken på gode idear. DnB NORs Innovasjonspris er verdt 200.000 kroner regionalt. Vinnarane i dei sju regionane dei har delt Noreg inn i møtest til nasjonal finale med premie på 1 million kroner.

- Nytt i år er "Folkets pris", ein sum på 100.000 kroner som alle finalistane er med og kjempar om, i tillegg til 200.000 og millionen i førstepremie.

"Halvlokal" vinnar i 2007
Innovasjonprisen til DnB NOR er kanskje ukjent for mange osingar, men ein vossing som tidlegare hadde arbeidsplassen sin i Os stakk i 2007 av med både finaleplass og førstepremie på landsbasis.

Professor emeritus dr. med. Einar Sudmann, som tidlegare var overlege på Kysthospitalet i Hagavik, vann med nye, forbetra leddproteser.

Bli med i konkurransen om 1,3 millioner for årets beste forretningside.

Kven kan delta?
Prisen går til ein idé som:
• Bidrar til utvikling i norsk næringsliv. Bygger på ny kunnskap eller bruker eksisterande kunnskap på ein nyskapande
måte.
• Har eit tydeleg forretningsmessig potensial (i form av omsetnad, miljøgevinst, arbeidsplassar eller liknande)
• Har ein god og gjennomtenkt plan for korleis den skal realiserast

Regionale delfinalar blir gjennomførte i perioden mai-juni, nasjonal finale blir halde i Oslo i midten av september.
Os konkurrerer med bedrifter/personar frå Hordaland, Møre og Romsdal og Sogn og Fjordane.
Frist for å senda inn ideen er 21. februar 2010.

Du kan lesa meir om innovasjonsprisen på www.dnbnor.no/innovasjon