Fann båt som kan vera stolen

Fredag fekk politiet melding om ein båt som, grunna tilstand og plassering, kan sjå ut til å vera stolen.

– Båten står på hengar i Mørkevågen på Lepsøy, seier Eivind Hellessund, operasjonsleiar i Hordaland politidistrikt.

Båten er ein Skibsplast 550 meg beige kalesje. Utanbordsmotoren ser ut til nyleg å ha vore fjerna.

– Meldar håper eigar melder seg og seier at båten blir begjært fjerna om den blir ståande fleire dagar.

Politiet har avskilta nokre bilar i går, men elles hatt ein roleg fredag og natt til laurdag i Os.