Får ein haug med ekstradosar neste veke

– No har vi fleire ledige timar, seier kommuneoverlege Dale.

2.800 dosar kjem til Bjørnafjorden kommune neste veke. Det er cirka dobbelt så mange som venta. (Foto: Ørjan Håland)
Kjetil Vasby Bruarøy
Kjetil Vasby Bruarøyonsdag 21. juli 2021 17:12

Etter ein roleg start på juli er vi denne veka oppe i nesten 1.400 dosar, og det er for første gong vaksinering over to dagar, onsdag og fredag.

I neste veke kjem dobbelt så mange.

– Vi fekk nettopp melding om at vi får 480 hetteglas i neste veke. Dette er om lag det doble av det som er venta, og vil bety minst 2.800 dosar, seier kommuneoverlege Jonas Nordvik Dale.

Sidan kommunen i sommar er over til nytt system, med timebestilling fram til 20. august, i staden for å invitera frå veke til veke, har det no opna seg mange ledige timar i veke 30.

– Desse ligg no ute i systemet. Vi har 20 ledige onsdag og rundt 100 fredag - før vi legg ut desse ekstra (oppdatert/presisert 27/7). Alle over 18 år er inviterte, og kan velja mellom desse.

Systemet er også tilrettelagt for at du som har fått time seinare i sommar, men ønskjer å framskynda, kan gjera endring.

– Har du fått peikepinn på veka etter, at dette vil halda fram?

– Nei, vi får berre ei veke fram. Det er mogleg at det kjem fleire seinare også, men det veit vi ikkje enno.

– Kan ekstra ledige timar også bli brukt til framskynda dose 2?

– Ikkje enno, men det kan bli aktuelt. Om ikkje vi får fylt opp er neste steg å gi til dose éin i nabokommune. Om ikkje dei har bruk for, blir det framskynda dose 2.

– Kor tidleg er det tidlegaste di kan setja dose 2?

– Tre veker etter dose 1.

Det er få nye smittetilfelle i Bjørnafjorden i juli, men i førre veke hadde vi 5, av desse er ein familie på 4.

Førre smittetilfelle var måndag 19. juli.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.