Fem nye smittetilfelle den siste veka

Frå 14. juli til i går, måndag 19. juli, har seks nye personar i Bjørnafjorden kommune fått påvist smitte av Covid-19.

Ein av dei, ei jente i barneskulealder, opplyste vi om fredag.

Same dag fekk ei ung dame påvist covid-19, opplyser kommunen i dag.

– Dei to er ikkje i relasjon til kvarandre. Vi meiner å ha kontroll på smittevegen i begge desse tilfella, seier fungerande kommuneoverlege Bjørn Petter Aasheim Johannesen.

16. juli blei det påvist smitte hos tre nye personar:

Ein mann, ei kvinne og ein gut, alle i familie med jenta i barneskulealder.

– Alle nærkontaktar har blitt testa og vi har ikkje fått positive testresultat tilbake.

Tysdag 19. juli fekk ein mann påvist smitte av covid-19.

– Dette er ein mann som var i karantene, og smittevegen er kjent.

– Vi har med andre ord kjent smitteveg på alle og det er difor inga grunn til uro. Eg meiner vi har god oversikt, avsluttar Johannesen.