Korona | 20. des. 2021

Får tilbod om vaksinehjelp frå Forsvaret

Bjørnafjorden er ein av fire kommunar som får tilbod.

Får tilbod om vaksinehjelp frå Forsvaret
Ulven leir. (Ill. foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymåndag 20. des. 2021 11:36

Før helga fortalte Bergens Tidende at fleire kommunar i bergensområdet ville be Forsvaret om hjelp til vaksinering.

I dag skriv BT at fire av desse får tilbod om hjelp.

Bjørnafjorden kommune er ein av dei, Askøy, Alver og Øygarden er dei tre andre.

Øygarden opplyser at dei vil takka ja. Kva med Bjørnafjorden?

– Eg trur ikkje det blir behov for det, seier vaksinasjonskoordinator Nina Oen til Midtsiden.

Forsvaret har klargjort mobile vaksineringsteam med 16 personar i kvart team. Til saman er det ti slike team over heile landet.

Effektive og nøgde

– Vi er heldige, og har eit stort og godt vaksinasjonsteam. Medlemmane av teamet vårt seier dei trivst godt, og eg ser at vi har god kapasitet.

Fleire av dei er pensjonerte sjukepleiarar eller sjukepleiarar i turnus som hjelper til når dei har fri.

– Også nokre av dei som meldte seg i sommar, i samband med auka vaksinasjon parallelt med ferieavvikling, har blitt med oss vidare. Vi har dessutan fleire som har meldt seg for å delta overnyttår.

Er ikkje avvisande

– Kva med resten av vinteren, når fleire har passert 4,5 månadar etter dose 2, og alle over 18 skal få tredje dose i god tid før påske?

– Vi er open for tilbodet, men ventar førebels med å takka ja, seier assisterande kommuneoverlege Jonas Nordvik Dale.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.