Fauk inn til bronse

Karoline Breivik og broren Kristian Breivik Gjøen er godt i gang med sesongen etter to lokale løp.

Veslebror Kristian, som debuterte i fjor, fekk 7. plass av 18 deltakarar i Bergen og tok seg også til finalen i Vikedal.

For Karoline har det vore mest spenning knytt til noregscup, og i helga gjekk årets første av stabelen.

To heatsigrar

Karoline fekk ei knallopning laurdag og tok to heatsigrar. Samla sett hadde ho éi førstetid ogéi tredjetid.

– Den eine heatsigeren tok ho på ei tid som ingen klarte å slå, heller ikkje i finalen, det var heilt rått å sjå på, synest bestefar og teamleiar Håvard Gåssand.

– Det var ikkje med stor margin, men ho slo alle dei 12 andre juniorane.

Hamna i grusfella

Med tredjesporet i finalen og svolten på ein god start kom ho seg jamt med dei to andre før første sving.

– Men i svingen blei det for tett og Karoline blei skvisa ut i grusfella.

Dermed tapte ho tid og låg ei stund på 5. plass. Men ho klarte å koma seg forbi to bilar og sikra seg bronsen.

Neste noregscup går i Trøndelag i juni.