Fekk 10.200 i bot etter snittmåling i natt

• Midtsiden har starta utsending av gratis nyheitsbrev på epost - meld deg på her

Klokka 00.36 natt til onsdag stoppa politiet ein bil på fv 579 Bogstrandvegen.

– Patruljen såg ein bil og reagerte på farten, fortel politioverbetjent Anne Lyssand.

Dei gjennomførte snittmåling som viste 112 km/t i 80-sona.

Bilførar, ein mann fødd i 1994, innrømte å ha køyrd for fort. Han fekk eit forelegg på 10.200 kroner og tre prikkar på førarkortet.

Om farten var 4 km/t høgare hadde det blitt førarkortbeslag.