Fekk 43.000 kroner
Fylkeskommunen har fordelt vel 73 millionar i spelemidlar. 3,7 fann vegen til Os.
Kultur- og ressursutvalet (KRU) i Hordaland Fylkeskommune fordelte tysdag omlag 73 millionar kroner i statlege spelemidlar til anlegg for idrett- og fysisk aktivitet, nærmiljøanlegg og kulturbygg i Hordaland.
Spelemidlane er ei viktig finansieringskjelde for kommunar og frivillige lag og organisasjonar for å realisera opprusting eller nybygging av anlegg.
I Os blei i år Osbadet tilgodesett med midlar for anleggspotten då dei fekk 3,5 millionar til hovudbassenget.
Tildelinga skjer etter kriteriar fastsatt av kulturdepartementet og KRU kor mellomanna anlegg som har fått midlar tidligare og som står med eit restbeløp har førsteprioritet. Ein tek òg hensyn til dei kommunale prioriteringane.
Av anlegga som ikkje fekk midlar i år finn ein mellomanna kunstgrasbanene på Søfteland, Lysekloster, Kuventræ, Nore Neset og ved Søre Øyane Skule.
Eit nærmiljøanlegg
I prioriteringslista frå Os kommune når det gjeld nærmiljøanlegg var det berre eit anlegg som figurerte - Skateparken på Kuventræ. Denne fekk som dei andre nærmiljøanlegga i fylket tildelt dei omsøkte midla.
Skateparken fekk 156.000 kroner.
Grendahus = kulturbygg
Det er ikkje berre Oseana som er kulturbygg etter fylkeskommunen sine kriteriar. Ungdomshusa i Hegglandsdalen, Lysefjorden og Nore Øyane var i følgje fylkeskommunen berettiga søkarar.
I denne tildelinga blei det funnen midlar til ungdomshuset i Hegglandsdalen som fekk 43.000 kroner.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.