Fekk avslag!
Os kommune har mottat nytt avslag frå departementet. Det kan gå fleire år før Oseana får statleg støtte.
Os kommune har i brev av 20.oktober mottatt endeleg avslag på 2009-søknaden om statleg tilskot til kunst- og kultursenteret Oseana.
Det er tredje året på rad kommunen søkjer om midlar frå ordninga med tippemidlar til regionale kulturbygg.
- Tidlegare kulturminister Trond Giske sine proriteringar av tippemidlane i 2009 er sterkt kritikkverdige, seier ordførar Terje Søviknes i ei pressemelding.
- For det første kan vi ikkje sjå at Hordaland fylke er tildelt ei einaste krone av totalt 75 millionar fordelt gjennom denne ordninga i 2009. For det andre har Giske bunde opp midlane for 2010 og 2011 ved å prioritera to prosjekt i Hordaland som sto lågare på fylket si prioriteringsliste for regionale kulturbygg.
Fartein Valen-senteret i Sveio fekk 6 millionar kroner, båthallen i Hordamuseet 5,5 millionar.
- Dette skjer trass i at fylkeskommunane skal overta forvaltinga av ordninga med tippemidlar til regionale kulturbygg frå 1. januar 2010. Dette er eit klart brot på intensjonane i Forvaltningsreformen, seier Søviknes.
No håpar han at Hordaland fylkeskommune følgjer opp saka ovanfor Kultur- og kyrkjedepartementet. I tillegg vil Os kommune arbeida vidare med fullfinansiering av Oseana.
- Vi har en todelt strategi; - midlar fra stat/fylkeskommunen i 2010/11 og yttarlegare sponsorinntekter frå private aktører. Vi håpar på ein god dialog med den nye politiske leiinga i Kultur- og kyrkjedepartementet, oppsummerer den skuffa ordføraren.
Oseana er under bygging, og prosjektleiinga reknar med at det står ferdig 1. kvartal 2011.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.