Fekk ein ny på trynet
Håndballherrene til Os slit. Onsdag blei det eit nytt tap då dei møtte Sotra.
Bildeserie:
Osherrene har fått ein dårleg start på sesongen og står etter seks kampar med null poeng. Onsdag blei det eit nytt tap då dei møtte Sotra på bortebane.
– Vi mangler sjølvtillit og må berre innrømma at vi per dags dato ikkje er betre, oppsummerte Ostrenar Alexander Heggø etter kampen.
Sotra - Os 27-22 (12-13)
Utv: Sotra 2x2 min, Os 4x2 min
Os sitt lag: Einar Godø, Trygve Lerch Dahl, Arne Veim Haugland 7, Nils Andris Hamre 1, Bendik Oen 1, Isak Røen 4, Mats Brunvatne, Erik Vågen 2, Kristian Bruarøy, Preben Madsen 5, Ludvig Egge Drange 2, Even Hilland Lærum.
Onsdag såg det lenge ut som om Os skulle få den etterlengta sigeren. Os tok føringa i kampen og låg i heile første omgangen eitt eller to mål foran vertene frå Sotra. Berre unøyaktigheiter i angrepet gjorde at ikkje luka blei større.
– Vi er jo allergisk mot å skaffe oss luker, kommenterte ein oppgitt Heggø på benken undervegs i kampen.
Avgjerande dobbeltutvisning
Omlag sju minutt før full tid får Os først to minutter utvisning på Preben Madsen, før Arne Haugland snakker på seg ein to minutter halvminuttet seinare. Stillinga er då 19-19.
Sotra rykker frå og går opp i 21-19, samstundes som det held fram med å kladde framover på banen for Osherrane. Etterkvart virka det som Os gav opp og det blei meir spel ein og ein i staden for som eit lag.
– Vi må berre erkjenna at vi ikkje er godt nok trent. Eit par av spelarane har heller ikkje trent særleg mykje med resten av laget, då blir det fort mykje ein og ein. Det fungerte i forrige kamp, men ikkje i dag, konkluderte Heggø.
Neste kamp for Osherrane er allereie på søndag når dei tek imot Gloppen heime i Oshallen klokka 13.