Søndag klokka 20.15 fekk politiet melding om innbrot på Os barneskule.
– To ungdomar var observert inne på skulen. Dei to skal ha stukke av på ein gul sykkel før vi kom fram, seier konstituert lensmann, Audun Hadler-Olsen.
Då patruljen kom til staden fann dei ingen teikn til innbrot.
– Dører og vindauge var like heile. Vi varsla vaktmeister og Securitas, så dei kunne sjekka saka nærmare, men vi har ikkje registrert noko tilbakemelding frå dei etter det.
Skadd rev på Søre Neset
Dei siste dagane er det observert ein del rev i Os og frå Auredalen har politiet fått melding om at det går ein skadd rev rundt i nabolaget.
– Viltkontakt er varsla og vil gjera søk etter reven, som skal vera skadd i ein fot.