Fekk tre presangar av Alexander

Søre Neset/Nore Neset 1 har styrka stallen godt i vinter, men starta sesongen med berre eitt poeng på to kampar.

– Mot spelets gang i begge to, vil eg seia.

– Vi leia 1-0 og kjørte Eikelandsfjorden skikkeleg, men tapte 1-2 etter to kontringar, seier Svenningsen.

Tronge kår

Borte mot Sædalen, på ein mindre bane enn den Søfteland har, sørgja Thomas Halhjem og Egil Thuen for 2-0-leiing.

Men vertane fekk straffe imot og klarte seinae å utlikna.

– Vi sto på og skapte mykje, var sikkert seks gongar åleine med keeper, men klarte ikkje å ta leiinga igjen.

Det enda 2-2 i 2. runde.

Suveren mot Øystese 2

Øystese 2 starta sesongen med 10-2-siger over Samnanger, men gjekk som Søre Neset på ein 1-2-smell for Eikelandsfjorden.

Laurdag, på bursdagen til Svenningsen, tok dei imot Søre Neset, som leia 1-2 til pause.

– Heldigvis var Alexander Thuen i storform, så vi auka til 2-6 før Øystese 2 reduserte til 3-6 på overtid.

Alexander skåra tre mål, i tillegg skåra veslebror Egil, Ørjan Bjørgo og Ruben Grindevoll.

Søre Neset speler heimekamp mot Rosendal laurdag klokka 13.

Avdelingskollega Søfteland har starta serien med to sigrar på rad.

SJÅ TABELL

Nore Neset/Søre Neset 2, som speler i 7. divisjon og har tre poeng etter to rundar, speler heime søndag klokka 18.