Fem fartsbøter på Halhjemsvegen

Onsdag gjennomførte utrykningspolitiet to trafikkontrollar i Os, begge med fokus på fart.

Etter ein liten time på E39 Byvegen på Søfteland utan reaksjonar flytta dei seg til E39 Halhjemsvegen ved Solbakken (vekta).

Fem fekk forelegg, høgaste fart blei målt til 87 km/t. Det fører til 4700 kroner i forelegg.

Retta: Midtsiden skreiv først at dei sto på Lepsøyvegen ved Solbakken. Der er det 50-sone, ikkje 70-sone, som på E39, og derfor ikkje førarkortbeslag.

Fekk melding om uaktsam køyring med tilhengar

Politiet fekk i går melding frå Fana om ein bil med hengar på veg til Os, der meldar meinte bilen var til fare for andre, og at den hadde «voreborti ting» på vegen.

Bilen hadde retning Os og blei stoppa på veg mot Halhjem.

– Bilførar fekk tilsnakk, og blei informert om fare for førarkortbeslag om det kom fleire tilsvarande meldingar om køyringa. Vedkomande, ein mann frå Os, stilte seg uforståande til meldinga som hadde kome inn, og sa at han både hadde lang erfaring med køyring med hengar, og at han hadde køyrd fint.