Fergetrøbbel og bilistar med hasj

Like før klokka ti i går kveld stoppa politiet ein bil i Byvegen. Føraren av bilen, ein mann i 30-åra, er mistenkt for køyring i ruspåvirka tilstand etter å ha røykt hasj før han la ut på bilturen. Politiet melder at det vart teke blodprøve av mannen og sak er oppretta.

Ein annan bil vart stoppa i området Søre-Neset i fem-tida i dag tidleg. Her vart det funne mindre mengder hasj på ein mann i 20-åra. Mannen var passasjer i bilen. Avhøyr vart gjort på staden, og sak er oppretta melder politiet.

Tok inn vatn i maskinrommet

I halv sju-tida i dag tidleg måtte brannvesenet hjelpa til på Halhjem fergekai. Ei av ferjene på sambandet Halhjem-Sandvikvåg, MF «Færøy» trong hjelp med lensing etter problem med ei pumpe. Brannvesenet la ut lenser for å hindra eventuell forureining av sjøen.

BT.no melder at det skal ha fossa vatn inn i maskinrommet, og ei stund var det ikkje kontroll over situasjonen. Det vart meld trippelvarsling til naudetatene, og Hovedredningssentralen i Sør-Norge vart varsla. Etter kort tid fekk mannskapet på ferja fart på pumpene att, og situasjonen kom under kontroll

Ferja var ikkje i trafikk, men låg til kai då hendinga oppstod.