Ferje fekk motorstopp - måtte slepast til land

Bildeserie:

1 av 2

Ferja som gjekk frå Halhjem mot Sandvikvåg klokka 13.30 søndag, fekk motorstopp cirka eit kvarter etter at den la frå land.

Klokka 13.49 blei Hovedredningssentralen varsla om at Bastø 2 låg midt i Bjørnafjorden, og framleis ikkje hadde fått start på motoren.

Det var 102 passasjerar om bord.

Samba Marin reiste ut med MS «Molly», som byrja slepet klokka 15.09.

Ifølgje Bergens Tidende blei slepet styrka med «Server» i 16.45-tida, men ferja var først til land igjen på Halhjem klokka 19.16.

Torghatten Nord, som leiger ferjer frå Bastø Fosen og Fjord1 mens dei venta på sine eigne nybygg til kontrakten dei starta på 1. januar, meldte klokka 16.32 om kansellerte avgangar frå Halhjem klokka 16.50 og 20.10, og frå Sandvikvåg klokka 17.40 og 21.00.

MF «Marstein» er sett inn som erstattar, men går ikkje like fort.

• Les òg: Trøbbel med nye ferjen på Halhjem-Sandvikvåg